Hver er ég?

Mín vegferð hefur kannski einna helst snúist um að skilja hver ég er ekki. Sjá sögurnar sem ég hafði sagt sjálfum mér um veröldina, sjálfan mig og ykkur. Sjá hvaðan þessar sögur koma, hvort þær þjóni mér og hvernig ég get sleppt taki á þeim sem gera það ekki.

Undanfarin fjögur ár hef ég lagt áherslu á að auka færni mína í tengslum við undirbúning og eftirvinnu og hef þar að auki unnið undir handleiðslu stórkostlegra einstaklinga með sérþekkingu á hugvíkkandi vinnu.

Ég er sannfærður um að allir hafi meðfædda eiginleika til þess að ná bata þegar við fáum tækifæri til þess í öruggu og ástríku umhverfi. Mitt helsta verkefni er að veita þér leiðsögn og stuðning til þess að þú getir endurheimt tenginguna við þinn innri heilara fyrir og/eða eftir hugvíkkandi reynslu.